IKT-ekin KONTAKTUAN

IKT- ekin kontaktuan jartzeko, ikasleen adina eta adin horretako joera izan ditugu kontutan. 6.mailan, jada, ikasleak nerabeak dira, harreman berriak egiten dituztelarik. Hori horrela, foroetan, txatetan... sartzen hasten dira. Hori horrela, txat baten erabilerara zuzendutako ariketa planteatu dugu, kontzientziazioa eta erabilera zuzena sustatzeko asmoz.

JARDUERA	HERRI BIRTUALA OTE?
HELBURUA	Fidagarritasuna lantzea (ezezagunekiko) Rol bat interpretatzea Chat bat erabiltzen ikastea Genero estereotipoak lantzea Teknologiekin harremanak izatea Komunikatzeko baliabide eta gaitasun ezberdinak martxan jartzea Benetako bizitzara hurbiltzea Anonimotasunak ematen digun “botereaz” jabetzea Harremanak era zuzen batean sortzen ikastea Hausnartzea
ADINA	11-12 urte (LH 6.maila)
EDUKIA	Harremanak Chat baten bitartez
METODOLOGIA
JARDUERA EREMUA Ikaslea	DENBORA Ordu bete	LEKUA Informatika gela	BALIABIDEAK Bakoitzarentzako ordenagailu bana. Rol ezberdinak dituzten paperak
GARAPENA: Irakasleak ikasleei burutuko duten ariketa aurkeztuko die: Haurrek txat batean izena eman beharko dute, era anonimoan, baina, ez edozein nortasunarekin. Txat hori ondorengo hau izango da: HABBO (http://www.habbo.es) Irakasleak bakoitzari rol bat emango dio, paper baten bidez. Rolak ondorengo hauek izango dira: lotsatia, matxista, erasotzailea, ligatzeko asmoa dutenak, axolagabea, “pasota”, pertsona heldua etab. Rol hau norberak bakarrik jakin beharko du, hau da, “sekretua” izango da. Hori horrela, txatean izena emango dute, pertsonaia interpretatu beharreko rolaren arabera ezaugarrituz, eta ez, sexuaren arabera.  Pausuak:  http://www.habbo.es - en sartu Inskribatu irakasleak emandako erabiltzailearen izen eta datuekin: Adb: lhikasle4  Gela komun batera sartu Hitz egiten hasi Ikasle guztiak gela berdinean sartuko dira (txatean) eta elkar hitz egiten hasiko dira. Denbora bat igaro ostean, 40 minutu gutxi gora behera, txat bakoitzeko pertsonaiak hartuko dira eta hauek zein rol ezaugarritzen zuten asmatu beharko dute ikasleek. Horrela, zeharkako era batean, kontzeptu ezberdinetako ezaugarriak bereganatzen dira. Amaieran, klasea amaitzeko hamar minutu falta direnean, ikasleek hausnarketa bat egin beharko dute, sentitu eta ikasi dutenaren inguruan: benetan al da herria dirudien bezain birtuala? Segurtasunerako: Klasekoak nortzuk diren identifikatzeko erabiltzailearen izenean "LH-izena" jarri beharko dute aurretik, lanean parte hartzen dutenekin hitz egiteko. Oharra: Irakaslea infiltraturik egongo da, batez ere dinamizatzaile eta gidari lanean jarduteko.